Iconium ah Paul le Barnabas
14
1 Iconium khuo Jew mite kikhopna inn ah Paul le Barnabasa lutin tua bang danin ama gel in thu a hil uh ciengin Jew mite le Greek-te tampitah thu um mi a suoh vua, tuaci’n tua khuo sungah a piengsa thu teng ma a piengkia hi.
2 Ahi vangin thu um lo Jew mite in Gentile-te holtuo-in a sanggamte ledo dingin lungsim hoi lo a guon uhi.
3 Tuaci’n sauveipitah a tam vua, Topa adingin amate in hangtahin thu a hil uhi. Ama’ hepina thu teci a pang sawltahpite tungtawnin Topa in amate tungah lim le na lamdangte bawl theina thu a pie hi.
4 Ahi vangin khuo sunga teng mite a kiphalsuo vua, pawlkhat in Jew mite panpi-in adang pawlkhat in sawltahpite a panpi uhi.
5 Gentile-te le Jew mite in a uliente utawh sawltahpite bawlsie-in suong tawh se ding a hanciem vua,
6 sawltahpiteb in tua thu a thei ciengun Lycaonia khuopite ahi Lystra, Derbe le a kima gamah a tai uhi.
7 Tua gamah lungdamna thuhil a zomsuoh uhi.
Lystra le Derbe ah Paul le Barnabas
8 Lystra khuo ah a suocil a kipan a keng a zang thei lo, lam zong pei thei loin a mawh to mi khat a om hi.
9 Paul in thu a gen laitahin tua pa in a ngai hi. Tuale Paul in limtahin en a, tua pa in dam thei nading upna a nei lam mu ahi ziehin,
11 Paul’ nasepsate mihonpite in a mu ciengun amate in Lyconia-te’ ham tawh, “Eite kungah mihing mel puo-in pasien-te ang kumsuh uhi!” ci-in nahpitahin a kiko uhi.
12 Amate in Barnabas pen Zeus ci-in a minvaw vua, Paul pen a thugenpi pen ahi ziehin Hermes ci-in minvaw uhi.
13 Khuo pulama a om Zeus pasien’ siempu pa ind tunkotah bawngtang le paakuolte peipi a, ama le mihonpi in kithoina a bawl nop lam uh
14 sawltahpite ahi Barnabas le Paul in a zah ciengun a puon uh balkehin mihonpi lahah tai-in a kiko vua,
15 “Lawmtee aw, bang dinga tam bang na bawl uh ahei? Ko zong noma banga mihing ma ka hi bo uhi. Kimanna a nei lo tami nate panin van le lei, tuipi le a sunga om na zosie a siem a hingzing Pasien lama na kihei nadingun note tungah lungdamna thu ang puoh ka hi bo uhi.
16 Khanglui lai-in minam zosie in a deina uh lampi ciet a zui ding uh ama in a phal hi.
17 Hinanle ama in sil hoi a bawlna sungah teci om loin a nuasie sih a, ama in note tungah vantung panin guotui le khuohun hoite hing pie-in, an le tui zong ang kidimsah a, na lungtang uzong kipahna tawh ang kidimsah hi,” a ci uhi.
18 Tam bang thute nangawn tawh ama gel tungah kithoina a bawl lo nadingun mihonte a khah zo lieiliei uhi.
19 Ahi vangin Antioch le Iconium khuo panin tua munah Jew mite pei-in mihonpi a thuzaw gawp uhi. Tua ciengin amate in suong tawh Paul a sep gawp vua, a si hi ta va ci-in khuo pulamah a kaiphit uhi.
20 Ahi vangin nuazuite in ama a kimkot ciengin ama zong tho-in khuo sungah a lut hi. A zing ciengin Derbe khuo ah Barnabas tawh a peisuoh uhi.
Syria gam Antioch ah Peikiana
21 Amate in tua khuo ah lungdamna thu a gen vua, mi tampitah nuazui a suohsah zaw uh ciengin Iconium le Antioch lamah a kilekia uhi.
22 Khum tahah nuazuite thakhausahin upna sungah a amate a kip den nadingun a hanthawn vua, “Pasien’ manggam sungah i lut thei nadingin bawlsietna tampi i thuoh ding uh kul hi,” a ci uhi.
23 Ama gel in hlattuom pawlpi simah hlattuom pawlpi upate a koipieh zaw ciengun, a muonte uh thungetna le antanna tawh Topa tungah a ap uhi.
24 Tua ciengin amate in Pisidia gam a nawh vua, tuaci’n Pamphylia gam a tung uhi.
25 Perga khuo ah Pasien’ thu a gen zaw uh ciengin Attalia khuo ah a peisuh uhi.
26 Tua khuo panin a muolsuosa uh nasepf a sem dinga Pasien’ hepina sunga a ki-apna uh ahi Antioch lam zuonin tembaw tawh a peikia uhi.
27 Tua mun a tun ciengun hlattuom pawlpi mite a kaikhawm vua, Pasien in amate tungtawna a sep zosie le Gentile-te adinga upna kot a honpiehna thute a sut uhi.
28 Tua khuo ah nuazuite tawh sawtveipi a tam uhi.
