Jerusalem-a Thu Kikupna
15
1 Tua ciengin Judea gam panin mi pawlkhat a hawsuh vua, “Moses’ ngaina tawh kizui-in na tep uh na tan sih uleh note in hutdamna na nga thei sih ding uhi,” ci-in amate in sanggamte thu a hil uhi.
2 Paul le Barnabas in amate tawh nahpitahin kinielna le kiselna a nei zaw ciengun, tam thudawhna tawh kisai-in sawltahpite le upate tawh Jerusalem ah peito-in thu kikum dingin Paul, Barnabas, le adang pawlkhat kise hi.
3 Tuaci’n hlattuom pawlpi in lampi-ah amate a va hla ta vua, Phoenicia gam le Samaria gam a kantan kawmun Gentile-te a kikhelna uh thu a zasah vua, tuaci’n amate in thu uma mi zosie a nuomsah mama uhi.
4 Jerusalem a tun ciengun hlattuom pawlpi mite, sawltahpite, le upate in amate a na dawn vua, amate tung tawnin Pasien’ nasepna zosie a zasah uhi.
5 Ahi vangin Pharisee pawlte sung panin thu um mi pawlkhat ding to-in, “Amate in Moses’ thukham zui-in a tep uh a tan nadingun thu i pieh uh kul hi,” a ci uhi.
6 Tami thu a lungngai dingin sawltahpite le upate a kikhawm uhi.
7 Sawtveipi a kisel zaw ciengun Peter zong dingto a, “Sanggamte aw, kei tung panin Gentile-te in lungdamna thu za-in thu um mi a suo thei nadingun sawtveipi lai panin note lahah Pasien in kei ei teelna thu na thei uhi.
8 Mihingte’ lungtang sung a thei Pasien in eite tunga ei pieh bang lienin amate tungah zong Hlagau Siengtho a piehna tawh teci a pang zo hi.
9 Amate le eite kikalah khentuom nei loin upna tawh amau’ lungsim a siengthosah hi.
10 Tua ahi ziehin nuazuite ngawngah i pu i pate le eite in i puoh zawh lo uh hahkol suonin bang dingin Pasien ze-et ding i hi ahei?
11 Tua bang ding ahi sih hi. Topa Jesu’ hepina ziehin eite ei kihundam ding hi, ci-in i up ma bangin amate zong kihundam ding hi,” a ci hi.
12 Paul le Barnabas in ama gel tungtawnin Pasien in Gentile-te lahah lim le na lamdang a bawlsa zosie a gen laitahun a kikhawm mihon vannuoi in sip dide-in a ngai uhi.
13 A thugen uh a man zaw ciengin James in, “Sanggamte aw, ka thugen na ngai un.
14 Pasien in a min adingin amate sung panin kimkhat a teelkhiet nadingin, a masa-in bangci bangin Gentile-te tungah maipha pie ahei ci thute Simeon in ang gen zo ta hi.
15 Kamsangte’ thugente tam tawh kituoh hi.
16 ‘Tua zaw ciengin kang peikia ding a,
a puasa David’ tenna inn ka lam kia ding hi;
a kisiesate panin ka lamkia ding a,
ka tungding kia ding hi,
17 tuaci’n midangte le ka mina kihlan
Gentile-te zosie nangawn in Topa a sui ding uhi,
18 ci-in tanglai peh panin tam thute ei theisah Topa in a gen hi,’ ci-in kigiel hi.
19 Tua ahi ziehin kote in Pasien lamah ang kihei Gentile-te suhbuoi lo zawh ding khensatna ka nei vua,
20 tuale mahin amate in milim biehna, numei-pasal pahtatna, lawlmeh sa popo le sisan nehnate panin amate a kibuasah lo nadingun lai hlahzaw leih pha ka sa hi.
21 Bangzieh ahei cile sabbath nisielin kikhopna innte-ah Moses’ thukhamte ma a gingin kisim ngitnget a, tanglai peh panin zong khuo cin tengah ama’ thugente ma hil penin kinei hi,” a ci hi.
Thu um Gentile-te tunga Thukikumte’ Laihlah
22 Tua ciengin sawltahpite, upate le hlattuom pawlpi buppi in amate sung panin mi pawlkhat teelin Antioch khuo ah Paul le Barnabas peitonsah dingin a khensat uhi. Amate in sanggamte lahah makai ahi Barsabbas a kici Judas le Silas a sawl vua,
23 tam bangin lai gielin a puosah uhi: “Sanggamte aw, sawltahpite le upate in Antioch khuo-a kipanin Syria gam le Cylicia gama om Gentile mi-a pieng thu um miteb kang hopi uhi.
24 Ko sawl lopi-in ko kung panin mi pawlkhat a piekhie vua, no buoi nading thute genin na lungsim uhc ang amsah zo uhi, ci thu ka na za uhi.
25 Kote in na kung vua kang sawl ding uh tangmited ka teel vua, tuale Barnabas le Paul tawh ang zawhton dingin lungkimtahin ka khensat zo ta uhi.
26 Ama gel pen i Topa Jesu Khris’ min ziehin a hinna uh a pie ngamte ahi uhi.
27 Tua ahi ziehin amate mama in a kam utawh tam thute ma ang gen dingin Judas le Silas kang sawl uhi.
28 Azieh pen kote in tam thupoimawte sanga a gihzaw vangih dang note tunga kang guonbe lo nading uh, Hlagau Siengtho le kote in hoi ka sa uhi.
30 Tuaci’n amate sawlin Antioch khuo ah a peisuh uhi. Amate in mipi a kaikhop zaw ciengun tua laihlah a pie uhi.
31 Pawlpi mite in laihlah a sim ciengun hanthawtnate ziehin amate lungdam mama uhi.
32 Amate mama zong kamsang ahi Judas le Silas-te in thu tampitah a gen vua, thu umf mite hanthawnin a thakhausah uhi.
33 Tua tahah amate bakhat sung a tam zaw ciengun thu um miteg in amate a sawlkhie mite kungah lungnuom tahin a peisahkia uhi.
35 Ahi vangin Antioch khuo ah Paul le Barnabas-te a tam vua, amate in midang tampite tungah Topa’ thu a tangko uhi.
Paul le Barnabas Kikhen
36 Ni phabep khat zaw ciengin Paul in Barnabas kungah, “Hing pei in, peikia vai-in, Topa’ thu i hilnasa khuopi zosie-a om thu um mitei kungah haw-in bang a ci vuoi mah va en tavai,” a ci hi.
37 Barnabas in Mark kici John zawpi nuom hi.
38 Ahi vang in Paul in Pamphylia khuo ah amate nuasie-in a nasepna vua a zui nuom lo mipa zawpi lo dingin a khensat hi.
39 Kinah niel luo uh ahi ziehin a kikhenlaw vawt uhi; Barbabas in Mark a zawpi a, tembaw tawh Cyprus tuikul ah a pei uhi.
41 Syria gam le Cilicia gam nawhin ama pei-in hlattuom pawlpite a thakhausah hi.
