Corinth Khuo ah Paul
18
1 Tua zaw ciengin Athen nuasie-in Corinth khuo ah Paul a pei hi.
2 Tua munah ama in Pontus gammi Aquila kici Judah mi khat mu a, ama pen Claudius in Rome gam nuasie dingin Jew mite zosie thupie zo ahi ziehin a zinu Priscilla tawh Italy gam pana ang tun uh a sawt nai lo ahi hi. Ama gel tawh kimu dingin Paul pei a,
3 ama zong ama gel tawh a nasep a kibah ziehin a inn vuah tungin na a semton uhi, ama gel pen puonbuh khui nasep semte ahi uhi.
4 Sabbath nisielin ama in kikhopna inn ah Jew mite le Greek-te zawl sawmin thu a kikuppi hi.
5 Macedonia gam panin Silas le Timothy a tun ciengin Paul thuhil lamah kitahla-in Messiaha in Jesu ahi hi, ci-in Jew mite kungah teci a pang hi.
6 Amate in ama langpangin a gensiet ciengun Paul in a puonb tunga leivui bangte thingin amate kungah, “Na lutung vuah na sisan uh tu taheh! Kei maw ka peng hi. Tu-a kipanin Gentile-te kungah ka pei ta ding hi,” a ci hi.
7 Tua ciengin ama in kikhopna mun nuasie-in Titiusc Justus a kici Pasien bie pa khat’ inn ah a tung hi; a inn pen kikhopna inn gei mama ahi hi.
8 Kikhopna inn uhpa Crispus le a innkuonpi zosie in Topa a um uhi; tuale Paul’ thugen a za Corinth-te tampitah zong thu um mi suohin a ki-baptize uhi.
9 Zan khat Paul in mang mu a, ama’ mang sungah Topa in, “Zau sin, thu gen inlen dai op zaw sin;
10 keima in nang kang ompi ziehin na tungah koima in a khut hlangin ang liemsah sih ding hi, azieh pen tami khuo sungah mi tampi ka nei hi,” a ci hi.
11 Khum tahah kum khat le hlaguh tamin amate lahah Pasien’ thu a hil hi.
12 Ahi vangin Gallio pen Achaia gam uhpa ahi ciengin Jew mite in kilungtuohin Paul a busim vua, thukhen zumah a tut uhi.
13 Amate in, “Tam pa in thukham tawh kilebulin Pasien bie dingin mite a zawl hi,” a ci uhi.
14 Thugen dingin Paul a kisah laitahin Gallio in Jew mite kungah, “Jew mite aw, tami thu pen gamtat khielna le gitlona thu khat popo ahile na thu uh kang ngaisut pieh ding hi;
15 ahi vangin tami thu pen kammal zatziete po, minte po le na thukham zieh po vua a pieng thute ahi bo ziehin no le no in vaihawm zaw un; tami thute ah thukhenmang ka sem nuom sih hi,” a ci hi.
16 Tuale ama in thukhen zum panin amate a notmang hi.
Antioch Khuo-a Paul a Kilekiana
18 Tua munah sawtveipi sung a tam zaw ciengin Paul in thu um mitee mangpha a pai a, Priscilla le Aquila tawh tembaw tung tuongin Syria gam zuonin a pei hi. Ama in kiciemna khat nei ahi ziehin Cenchreae-ah a sam a heu hi.
19 Ephesus khuo a tun ciengun Paul in tua tahah Priscilla le Aquila a nuasie hi. Ahi vangin amasa penin ama ma kikhopna inn ah lutin Jew mite tawh thu kikupna a nei hi.
20 Amate in a sawt tam dingin a hlo uleh ama in a khia hi;
22 Caesarea khuo a tun ciengin Jerusalem ah peito-in hlattuom pawlpite hopi a, tua ciengin Antioch-ah a peisuh hi.
Apollos’ Nasepna
24 Tu-in Ephesus ah Alexander khuomi Apollos a kici Judah mi khat haw hi. Ama pen mi dangnal le Lai Siengtho thei mama khat ahi hi.
25 Ama pen Topa’ Lampi-ah zong a kisinsa ahi hi; ama in John’ baptize na thu beh a thei vangin Jesu tawh kisai thute lawptahin genin mantahin a hil hi.
26 Kikhopna inn sungah hangtahin ama thugen a kipan hi; hinanle Priscilla le Aquila-te in tua thu a zah ciengun ama hlanin a manzaw-in Pasien’ Lampi thu a hilcien uhi.
