CIDAM IN NIPI KHAT SUNG
Safely Through Another Week
ZKL 198 (G)
Verse 1
Cidam in nipi khat sung
Pasien in ei kem lai a
Tuni in Ama inn sung
Thupha saang ding ih ngaah ta
Ni sagi sung nuom peen hi
Vantung toidam na lim hi
Ni sagi sung nuom peen hi
Vantung toidam na lim hi
Verse 2
Mawphel nading hepina
Ei Tanpa min in ka ngen
Ei mu sah in Na maaipha
Mawna, zumna mang hinlen
Tuni lungkham na theng in
Nang sung ei toidam sah in
Tuni lungkham na theng in
Nang sung ei toidam sah in
Verse 3
Na min kang phat laitah un
Nei nai na ei phawh sah in
Na maai kang ki lah lai un
Na vanglien ei mu sah in
Ko nga ding vantung nuomna
Ei ciem khol sah in Topa
Ko nga ding vantung nuomna
Ei ciem khol sah in Topa
Verse 4
Nangma lungdam na thu in
Mi sie puo, mi pha kho sah
Na thupha’n ta tam tawi in
Sietna vannuoi lem kia sah
Nipi teng pieng heh tuabang
Vantung pawlpi tun masang
Nipi teng pieng heh tuabang
Vantung pawlpi tun masang
